டோம்பிவிலி தமிழ் மக்கள் சங்கம்

டோம்பிவிலி தமிழ் மக்கள் சங்கமும் பாரதி மெடிகல் – ரிசர்ச் பவுண்டேசனும் இணைந்து நடத்திய மகாகவி சுப்பிரமணிய பாரதியாரின் பிறந்தநாள் விழா தென்னிந்தியப் பள்ளியில் வைத்து நடைபெற்றது. திரளானோர் கலந்து கொண்டு சிறப்பித்தனர். விழாவில் பேச்சுப் போட்டி, பாட்டுப் போட்டி மற்றும் கட்டுரைப் போட்டிகள் நடைபெற்றன. நடுவர்களாக ஆசிரியை உமா இலட்சுமணன், ஆசிரியை உமா சுந்தர், ஆசிரியை சுதா சம்பத் மற்றும் ஆசிரியை செண்பகம் இரமேஷ் ஆகியோர் சிறப்பாக பணியாற்றினார்கள்.

திரு. எல். இரமேஷ் பாபு அவர்கள் வரவேற்புரை வழங்க விழா இனிதே தொடங்கியது. திரு. அ. திருநாவுக்கரசு, திரு. எல். என். ஹரிஹரன் மற்றும் திரு. வெ. இராஜேந்திரன் அவர்கள் வாழ்த்துரை வழங்கினார்கள்.

விழாவின் முடிவில் கலந்து கொண்டு சிறப்பித்த மாணவர்களுக்கு பரிசுகள் வழங்கப்பட்டது. திரு. இ. முத்து அவர்களின் நன்றியுரையுடன் விழா நிறைவு பெற்றது.